<P>* ஆற்றைக் கடக்க வேண்டுமானால் நீச்சல் கற்றிருக்க வேண்டும். அதுபோல வாழ்க்கை என்னும் ஆற்றைக் கடக்க வேண்டுமானால் பகவத்கீதை கற்றிருக்க வேண்டும். <BR>* உலகில் என்றும் நிரந்தரமானது தர்மம் ஒன்றே. கடந்த காலம் நிகழ்காலம் எதிர்காலம் என்று மூன்று காலங்களிலும் தர்மம் மட்டும் தன்நிலையில் இருந்து மாறாமல் இருக்கிறது. <BR>* மனித மனத்திற்கு அபரிமிதமான சக்தி இருக்கிறது. அதற்கு ஈடுஇணை எதுவும் கிடையாது. நாம் மட்டும் மனோசக்தியை உணரத்தொடங்கி விட்டால் முழுமையான இன்பத்தை அனுபவிக்கத் தொடங்கிவிடுவோம்.<BR>* நேர்முனையும் எதிர்முனையும் மின்கம்பியில் இணைவதால் மின்னாற்றல் உண்டாகி ஒளி பிறக்கிறது. அதுபோல கடவுளும், நாமும் யோகத்தில் இணைந்துவிட்டால் பேரொளியைக் காணமுடியும்.<BR>* தொடர்ந்து பணியாற்றும் போது இடையில் குறிப்பிட்ட நேரத்தில் டீ, காபி போன்ற பானங்களை அருந்தினால் களைப்பு நீங்கி சுறுசுறுப்பு உண்டாகும். அதுபோல வாழ்க்கை என்னும் பணி சிறக்க வேண்டுமானால் இடையிடையே அவ்வப்போது தியானம் செய்து பழகுங்கள். இறைபக்தியே எல்லாத் தீமைகளையும் அழிக்கவல்லது.<BR><STRONG>-சாய்பாபா </STRONG></P>